Hazırda dünyada 3302 nəfər milyarder var ki, bu da rekord göstəricidir.
“Avantaj.media” TASS-a istinadən xəbər verir ki, bu barədə İsveçrənin “UBS Group AG” bankının illik hesabatında deyilir.
2025-ci ilin aprelindən 2026-cı ilin aprelinədək olan dövrü əhatə edən hesabata əsasən, son bir il ərzində dünyada milyarderlərin sayı 383 nəfər, yaxud 13,1% artıb.
“Onlardan min nəfərdən çoxu ABŞ-də, 562 nəfər Çində və 211 nəfər Hindistanda yaşayır. Ardınca müvafiq olaraq 193 və 122 milyarder ilə Almaniya və Rusiya gəlir”, – sənəddə deyilir.
Bildirilir ki, qeyd olunan milyarderlərdən yalnız 19 nəfərinin sərvəti 100 milyard dollardan çoxdur. Onlardan 15 nəfəri ABŞ-də yaşayır.
