“Yuventus” İtaliya və “Genoa”nın hücumçusu Ceff Ekator ilə müqavilə imzaladığını açıqlayıb.
Avantaj.media Lent.az-a istinadən xəbər verir ki, 19 yaşlı futbolçunun Turin klubu ilə müqaviləsi 2031-ci ilə qədərdir. Transfer haqqı 16 milyon avro və bonus olaraq 2 milyon avro təşkil edib.
Ekator ötən mövsüm “Genoa”da 32 oyun keçirib və dörd qol vurub.
İyunun 7-də o, İtaliya millisində debüt edib və Yunanıstana qarşı 1:0 hesabı ilə başa çatan yoldaşlıq oyununda məhsuldar ötürmə edib.
