Çində ilk dəfə olaraq donuz qaraciyəri və böyrəkləri insana köçürülüb.
“Avantaj.media” xəbər verir ki, bu haqda “South China Morning Post” məlumat yayıb.
Nəşrin məlumatına görə, xəstə beyin ölümü diaqnozu qoyulan 53 yaşlı kişi olub. Əməliyyatdan sonra onun orqanları beş gün fəaliyyət göstərib. Xəstənin ailəsinin istəyi ilə araşdırma dayandırılıb.
Əməliyyata Guangxi Tibb Universitetinin İkinci Filialının tədqiqatçılar qrupu rəhbərlik edib. Onların sözlərinə görə, prosedur gələcək klinik praktikada faydalı ola biləcək erkən immun və metabolik xüsusiyyətləri aşkar edib.
