İsveçin Höteborq şəhərində keçirilən “Gothia Cup” futbol turnirində iştirak edən Efiopiyadan olan təxminən 20 nəfərlik nümayəndə heyəti yoxa çıxıb.
“Avantaj.media” “Sweden Herald” nəşrinə istinadən xəbər verir ki, polis itkin düşənlərin 14-17 yaş arası yeniyetmə oğlanlar, eləcə də bir və ya bir neçə komanda rəhbəri olduğunu bildirib.
“Göteborgs-Posten” yazır ki, builki “Gothia Cup” turnirinin sonuncu günündə məktəb inzibatçısı orada məskunlaşan Efiopiya komandasının xəbər vermədən ərazini tərk etdiyini müəyyən edib.
Turnir təşkilatçıları dərhal hüquq-mühafizə orqanlarına müraciət ediblər və polis itkin düşmə haqqında axtarış elanı verib. Şəhər polisi hazırda həmin şəxslərin Efiopiyaya qayıtmadığını və hadisənin könüllü olaraq aradan çıxmaq (sığınacaq almaq məqsədilə) kimi göründüyünü bəyan edib.
