İşsizlik və daha yaxşı əməkhaqqı axtarışı insanları müxtəlif vakansiyalara müraciət etməyə sövq edir. Sosial şəbəkələrdə və elan saytlarında hər gün yüzlərlə iş təklifi yayımlanır. Lakin bu elanların hamısı real iş imkanları demək deyil.
Avantaj.media-nın araşdırmasına görə, işə düzəltmə adı altında pul tələb edilməsi, qeyri-müəyyən əməkhaqqı və əvvəlcədən açıqlanmayan şərtlər iş axtaranlar üçün ciddi risk yarada bilər.
Bəzi hallarda namizədlərə yüksək gəlir vəd edilir, lakin müraciət etdikdən sonra onlardan qeydiyyat, təlim və ya vasitəçilik adı ilə ödəniş tələb olunur.
Daha sonra isə vəd edilən iş yeri və əməkhaqqı barədə məlumatlar dəyişə bilər.
İşə qəbul prosesində vasitəçilik edən şəxslərin hüquqi statusu necə müəyyən olunur? İş axtaranlardan pul tələb edilməsi hansı hallarda qanun pozuntusu sayıla bilər?
İnsanların iş tapmaq ehtiyacından istifadə edərək maddi qazanc əldə etmək cəhdləri ciddi nəzarət tələb edir
