Qarabağ qazisi Xəyal Məmmədov Abşeron Rayon 4 saylı orta məktəbdə iddia olunan pul yığımına etiraz edir.
Avantaj.media xəbər verir ki , Qazisi Xəyal Məmmədov Abşeron Rayon 4 saylı orta məktəbdə iddia olunan pul yığımı ilə bağlı narazılığını ictimaiyyətə çatdırıb.
Onun sözlərinə görə, övladının sinif müəlliməsi Leyla müəllimə bu məsələ barədə məlumatının olmadığını bildirib. Xəyal Məmmədov qeyd edib ki, Leyla müəllimənin fəaliyyətindən razıdır və iradının müəlliməyə deyil, məktəbdə iddia olunan pul yığımına yönəldiyini vurğulayıb.
Qazinin iddiasına görə, məktəbdə valideynlərdən 30–75 manat məbləğində vəsait toplandığı bildirilir. O, bunun xüsusilə maddi imkanı zəif ailələr üçün ciddi yük olduğunu deyərək bildirib:
“Mən Qarabağ qazisiyəm, müəyyən güzəştlərdən istifadə edirəm. Bəs adi vətəndaşlar nə etsin? Biz kasıb insanlarıq, kirayədə yaşayırıq. Belə ödənişləri etmək bizim üçün çox çətindir.”
Xəyal Məmmədov aidiyyəti dövlət qurumlarını məsələni araşdırmağa çağıraraq bildirib ki, iddialar təsdiqini tapacağı təqdirdə qanunvericiliyə uyğun ciddi tədbirlər görülməlidir.
Materialda yer alan məlumatlar Xəyal Məmmədovun iddialarına əsaslanır.
Qarşı tərəfin mövqeyi təqdim olunarsa, balans prinsipi əsasında xəbərə əlavə ediləcək.
