İngiltərə Konqo DR sınağı qarşısında
2026-cı il “Dünya Çempionatı”nın 1/16 final mərhələsində İngiltərə və Konqo Demokratik Respublikası yığmaları üz-üzə gələcək. Favoritlərdən sayılan İngiltərə qrup mərhələsini uğurla başa vuraraq pley-offa yüksəlib, Konqo DR isə ən yaxşı üçüncü yerlərdən biri kimi tarixində ilk dəfə bu mərhələdə çıxış edəcək. Komandalar rəsmi oyunlarda ilk dəfə qarşılaşacaq və bu görüş hər iki tərəf üçün böyük əhəmiyyət daşıyır. Matçın nəticəsi qalib komandanın 1/8 final mərhələsinə yüksələcəyini müəyyənləşdirəcək.
Mövzu barədə “Avantaj.media”ya müsahibəsində idman aparıcısı və şərhçi Fuad Eldarov bunları deyib: “Konqo qrupunu birinci sırada başa vuraraq 1/16 finala yüksəlib. Bu nəticə komandanın kifayət qədər güclü olduğunu göstərir. Qrup mərhələsindəki çıxışı da qənaətbəxş idi. Lakin İngiltərə kimi komandanın qarşısında onları favorit hesab etmirəm”.
Favoritlərdən sayılan İngiltərə qrup mərhələsini uğurla başa vuraraq pley-offa yüksəlib, Konqo DR isə ən yaxşı üçüncü yerlərdən biri kimi tarixində ilk dəfə bu mərhələdə çıxış edəcək. Komandalar rəsmi oyunlarda ilk dəfə qarşılaşacaq və bu görüş hər iki tərəf üçün böyük əhəmiyyət daşıyır. Matçın nəticəsi qalib komandanın 1/8 final mərhələsinə yüksələcəyini müəyyənləşdirəcək.
“Sürpriz edə bilərlərmi? Bəli, mümkündür. Bu “Dünya Çempionatı”nda Paraqvay və Mərakeş kimi komandaların əldə etdiyi nəticələr bunu sübut edir. Ümumiyyətlə, “Dünya Çempionatı”nda “favorit”, “güclü” və ya “zəif” anlayışları çox vaxt özünü doğrultmur. Burada zəif komanda yoxdur – sadəcə, qalib gələn və məğlub olan komandalar var.
Qələbə qazanan komandaya yüksək pressinqin mənfi psixoloji təsir göstərəcəyini düşünmürəm. Əksinə, belə nəticə komandanın özünəinamını və motivasiyasını daha da artıra bilər”.
Nazim Xeyrxəbərli
