Avstriyanın Tirol bölgəsində təlim-məşq toplanışında olan “Sabah” bu gün növbəti yoxlama matçına çıxıb.
Avantaj.media xəbər verir ki, paytaxt təmsilçisi Ukraynanın “Polesye” klubu ilə qarşılaşıb. Matç rəqibin 4:1 hesablı qələbəsi ilə başa çatıb.
Qeyd edək ki, “Qarabağ”dan Ukrayna təmsilçisinin heyətinə yeni transfer olunan Leandro Andrade matçda 1 qol və 1 məhsuldar ötürmə ilə fərqlənib.
Xatırladaq ki, “Sabah” daha öncə hazırlıq prosesi çərçivəsində Rumıniyanın “Universitatya Krayova” və Macarıstanın “Ferentsvaroş” klubu ilə 1:1 hesablı heç-heçəyə razılaşıb.
