İsrailin Baş naziri Binyamin Netanyahu Türkiyə Prezidenti Rəcəb Tayyib Ərdoğanın İsrailə əxlaq mövzusunda mühazirə oxuyacaq sonuncu şəxs olduğunu bildirib.
Avantaj bildirir ki, Ərdoğan İsrailin Yaxın Şərqdəki siyasətinin Türkiyənin milli təhlükəsizliyinə təhdid olduğunu bildirib. O, Netanyahunun “cinayətkar şəbəkəsini” Suriya və Livana hücumları ilə vəziyyəti o həddə çatdırdığını və indi Türkiyə üçün də təhlükə yaratdığını bildirib.
Netanyahu isə ona cavab olaraq sosial mediada bildirib ki, “Kürdlərə qarşı soyqırım törədən, terror təşkilatı HƏMAS-ı dəstəkləyən, öz xalqına zülm edən və siyasi müxaliflərini həbs edən antisemit diktator Ərdoğan İsrail dövlətinə əxlaq təbliğ edə biləcək sonuncu şəxsdir”.
Qeyd eək ki, Türkiyə və İsrail liderlərinin qarşılıqlı ittihamlar irəli sürməsi ilk dəfə deyil, lakin iki ölkə arasındakı “qarşıdurma” sərt bəyanatlardan o yana keçməyib. /Tass/
