Sumqayıtda şəhid bulağı ihmal edilib: Bulaq susuz qalıb, ətrafındakı oturacaqlar sökülüb
Sumqayıt şəhəri, Azərbaycan prospektində yerləşən Şəhid Mehdi Mehdiyevin xatirəsinə ucaldılmış bulaq kompleksi baxımsız vəziyyətə düşüb.
“Avantaj.media”ya göndərilən növbəti video-müraciətdə sakinlər şəhid bulağının mövcud acınacaqlı vəziyyətindən gileyimini bildirirlər. Görüntülərdən aydın olur ki, şəhidin xatirə kompleksinin su xətti kəsilib və krantı işləmir, bulağın krantına süni çiçək keçirilib.
Bununla yanaşı, kompleksin ətrafındakı bayraqlar, işıqlandırma sistemi, eləcə də sakinlərin əyləşməsi üçün quraşdırılmış oturacaqlar (skamyalar) sökülərək aparılıb.
Hazırda yerdə yalnız oturacaqların dəmir bərkidicilərinin (anşkerlərin) qalıqları görünür.
Sakinlər şəhidlərimizin ruhuna və xatirəsinə hörmətlə yanaşılmasını, bulağın su təchizatının bərpa edilməsini və ərazinin dərhal nizama salınmasını xahiş edirlər !
Səbuhi Həmid
