Xətai RİH-dən sakin şikayətçidir: “Sənədlərim qaydasındadır, qarajımı götürməyi tələb edirlər” – İDDİA
Xətai rayonunun Babək prospekti 78 ünvanında yaşayan Maçanov Ramin Avantaj.media-ya müraciət edərək Xətai Rayon İcra Hakimiyyətindən şikayətçi olduğunu bildirib.
Sakin iddia edir ki, sözügedən ünvanda ona məxsus olan dəmir qarajla bağlı Xətai Rayon İcra Hakimiyyətinin əməkdaşları tərəfindən həmin tikilinin ərazidən götürülməsi tələb olunur.
R.Macanovun sözlərinə görə, qaraja dair sənədləri qaydasındadır və buna baxmayaraq, icra hakimiyyətinin əməkdaşları tərəfindən onun sökülməsi və ərazidən götürülməsi tələb edilir.
Şikayətçi hesab edir ki, sənədləri mövcud olduğu halda ona məxsus əmlakın hansı hüquqi əsasla ərazidən götürülməsinin tələb edildiyi aydınlaşdırılmalıdır.
Qeyd edək ki, Xətai Rayon İcra Hakimiyyətinin rəsmi internet səhifəsində qurumun vətəndaş müraciətlərinin qəbulu ilə bağlı elektron xidmətlərinin olduğu, həmçinin şəhərsalma və özbaşına aparılan tikinti işləri ilə bağlı nəzarət istiqamətində fəaliyyət göstərdiyi qeyd olunur.
Avantaj.media olaraq məsələ ilə bağlı Xətai Rayon İcra Hakimiyyətinin də mövqeyini öyrənməyə hazırıq. Qurumun açıqlaması yayımlandığı halda, xəbərə əlavə ediləcək.
